Често поставувани прашања
Ние ги имаме одговорите
Видете дали ќе го најдете вашето прашање подолу. Ако не го најдете, слободно обратете ни се. Со задоволство ќе ви одговориме.
ДАЛИ ИМА НЕКАКВИ ПРЕДУСЛОВИ ЗА УЧЕСТВО НА ВАШИТЕ КУРСЕВИ, РАБОТИЛНИЦИ, СОВЕТУВАЊА?
НЕ. Не ви треба ништо за да се пријавите за учество во некој курс/работилица/советување освен добра волја, желба за промени и учење и отворен ум.
ЗА КОГО СЕ НАМЕНЕТИ ВАШИТЕ КУРСЕВИ/РАБОТИЛНИЦИ/СОВЕТУВАЊА?
Нашите обуки се наменети за сите кои сакаат да изградат подобар однос со децата и попријатна домашна атмосфера, да ја подобрат меѓусебната комуникација, да бидат посвесни родителите/старатели/негуватели за своите деца и да станат подобра верзија од себе во родителската улога.
ШТО ЌЕ ДОБИЕ ДЕТЕТО ОД ОВА?
Детето ќе добие родител што покажува грижа, љубов и цврстина, што дава поддршка и почит, што му влева чувство на припадност и важност, што го открива коренот на проблемот и бара решенија, дава емпатија наместо казни и награди. Со ваков родител детето ќе стекне целоживотни социоемоционални вештини, самопочит, самодоверба, самостојност, вештини за решавање проблеми и критичко мислење, психолошка отпорност.